رد النجم اللبناني رامي عياش على التعليقات التي طالته وطالت زميلته إليسا، لجهة قيامهما باستغلال إصابتهما بمرض السرطان للترويج لألبوميهما، كلّ في وقته .
وقال رامي في تغريدة عبر حسابه الرسمي على تويتر: « طبيعي جاوب لا تعليق .. فلا مزايدة على إنسانة عانت الأمرين من فترة مرض صعبة وسخافة بعض الحقودين اللي ما بيضمروا إلا نوايا سيئة .. و السوشال ميديا اللي خلت مين ما كان يحكي و يعلق و يحلل».
وأضاف رامي في تغريدته : « عم يقولوا إليسا ورامي عياش استغلوا هالشائعة .. انا مرقت بنفس التجربة وكتار من الفنانيين و صحافيين مأجورين حاربوني و حكيو عبارات نابية واليوم هني عم يمرقوا بهذه المحنة للأسف « .
ولفت رامي في رده على ما قيل بحقه وحق أليسا أن الإنسان الناجح لا يستغل المرض و قال : « ولأول مرة بحكي بهالموضوع .. معقول الإنسان الناجح يستغل المرض ؟ .. ألبوم يا مسهر عيني كان مباشرة قبل الحادثة وليس بعدها ولا أرى كيف على أحد ناجح و بألبوم أخذ أعلى المراتب أن يلهي الناس عن هذا النجاح بشائعة «.
وختم رامي : على كل حال كلمة إليسا اللي قالتها الله لا يجرب حدا بتكفي وبتوفي والف الحمد لله عالسلامة وياريت الحروب اللي بتنعمل عالسوشال ميديا نتكاتف فيها مع بعض مش على بعض» .
