«1»
بهرب مِن الوقت
ومْن الفصول اللي تبثّ البرد
واحلامي الشّرْد
بهرب مِن ظْلالي: للضيّ من عينك
وما شالت يْدينك
.... مْن الدفا والورد
ومامرّ في بالي
.. مْن السحب والعشب
ومِن صمتي الضيّق
لاقصى الكلام الرحْب
....... ولْصوتك الناي
ومِن كلّ عمري اللي مضى وما مرّ في عمري:
........ يا عمري الجاي!
«2»
غصْن الحكي يابس، ولا
حتى البكي بلّه!
وصوتي قصيدة ملح
....: أقرابها صمت العمُر كله!
... والمس بها هالجرح
حزن ٍعتيق
......... ودمع ٍثقيل
ما أقدر أهلّه
وألقى بها كلّ الطريق:
ليل
من وين ب آدلّه؟
ومن وين اب آقول؟
والحنجرة خرسا
والذاكرة ضد الذبول
وشلون أنا بنسى
أو أقسى يا أيلول؟
