عمري غلط كله وياكثـر ماخطيت
وياكثر ماكثر من خطـاي ظلموني
لو ماترجـى رحمـة الله توفيت
من كثر مافاض الندم مـن عيوني
كان القلوب بيوت ماعاد لى بيت
يالغربـه اللـى ماتعيشيـن دوني
أدمت مخالب وحدتى ضحكتي وجيت
أحمل معك ذكرى لناسٍ نسوني
بيض النوايا مرحبـا لا تقهويـت
من سودهن والكـل مـا سامحوني
كيف أفهم اللى صارلي لا تجليـت
وأمعنـت بالتفكيـر لا فـي جنوني
أشعر بأني كنت فى مرحلة ميـت
لكـن حييـت وتـوهـم يدفنوني
يا للعذاب السرمـدى مابقـا ليت
والطيش والحظ التعيـس وظنوني
يـارب لامنـى ذكرتـك وصليت
وذكرت عفوك وأنت لاضقت عوني
ضحكت ضحكت طفل لاهى وسجيت
ماهمني لـو الجميع أخذلوني
سليمان المانع
