من اول العام تهديني جروح جداد
وش انتظر في نهاية عام تهديني ؟
عادتك من عام الأول والهدايا تعاد
فالله يقويك وآنا الله يقويني
في كل عام اتحرى جيتك فـ المعاد
واصحى على جرح للـ الأول ينسيني
اسهر اعد الثواني بالوله والسهاد
والروح من زود ما فيها تعنيني
احرقت قلبي بجرحك لين صاير رماد
حتى يديني شكت من مسكة ايديني
تجرح وتضحك وعينك من فرحها وكاد
تستانس الرقص في مسرح شراييني
مابين كيف ومتى عيناك تهنى الرقاد؟
وانا من اسنين به ما تهتني عيني
ياهيه واشلون تنسي عاشقك والوداد
اسلي الروح وجروحي تسليني
خلاص مابي هدايا دام قلبك جماد
طويت صفحتك وما فيني يكفيني
والشوق لا هب قلبي وبحناياه زاد
باعلمه وش حصل منك ومشقيني
فمن اول العام ترسل لي هدايا جداد
يكفي هداياك والدمعة تواسيني
