جيت الحياة وجاك من ربي الموت
صـدرت يـاعمري وأنا جيت وراد
متكفنٍ حطـوك في وســط تـابـوت
وأنـا بعد مثلك تكفّنت بمهاد
الله وأكبـر ليه ماني بمبخوت
في يوم واحد صار موتٍ وميلاد
حتى قدومي ما رفع للفرح صوت
في حزن أروح وجيت في حزن وحداد
يابوي ماينفع بعد فايت الفوت
لا قلت ذا موتك طعن جوف الأعياد
شفني وأنا رجال وأقدح على القوت
أغـار مـن كلمة « يبه « بين الأولاد
كـل الجـروح تـروح يابوي وتموت
إلا جروحك بالحشا دايم جداد
خلف الأسلمي
