دورت في زحمة الأشـواق حكـي ٍ يقـال
ولا بدا غير صمتٍ مثـل صمـت القبـور
لا صار مالي على وصلك وسمعك مجـال
لا والله الا بـيموت الصـوت بيـن السطـور
ياعـلّ ليـلٍ خـذاك لـ غيبـتـك لـ الـزوال
يردّه النـور فـي نحـر الظـلام معثـور
يبرك على القلب همّ ويبتدي ضيـق بـال
وآشوفك الحلم وجيوش الغرابيـل: سـور
ياليتها في وجاهة ربـع أو طيـب خـال
ماكان تمسي من الحرمان نفس الجسـور
ألـد ممّـا تبلانـي بوجـهـي شـمـال
ويشوقني الدرب ،وأسوق الخطاوي عبـور
يامعتلـي فـوق صهـوات أمنياتـي تعـال
بيديـك الآمـــــال والدنيـــــــا متـاع الغـرور
لا تبخل بنور وجهـك والحـرام الحـلال
قصيـدةٍ فـي غيابـك كـل ليـلـة تـثور
أشوفك بعين من شـاف المحبـة: نضـال
لو دونك السيف ابو حدين ماخفـت جـور
أخترتك الدرب الأصعب وانت خذ راس مال
رجـلٍ ليـا بـارت الأشنـاب.. لا ما يبـور
وإن ضدني الوقت قلّ وقت ويضد الرجـال
مايمتحن كـود وافيـن الثنـا والشبـور
ياكثر ماعرض فـوادي لهيـب الوصـال
وياكثر ماضاق صدرٍ من وساع الصـدور
أصبر على الغبن ،لو مالي عليـه إحتمـال
وأكبر على الجرح، لو إن الضمايـر تفـور
مافي يديني من الحيله،عجـزت إحتيـال
ماجاك منّي قصور وجيت راهـي قصـور
إن ّ قصر ّ الموج...قلي وش بقى للرمال
يا شاطي الوصل لا بالله مآنـت معـذور
محتـاج لـك يامعدّينـي حـدود المحـال
محتاج تشعرني بقربـك مجـرد شعـور
لا عاد ليلـة فراقـك يـا نديـم الخيـال
في ساعةٍ ما لخلـق الله بعينـي حضـور
