مُمطرة هذي السّما
مثل المواعيد الجميله
يالله نركض ف المدى المبلول
ونعدّ الـ .. مطر
قطرة : قطرة
وماعلينا
لو دخل فينا البراد .. ولو تعبنا
... التعب :
بيصير راحة .. لا بغينا ..!
ياصباحات البلل .. والعشق
واغاني الحنين
اللي هوينا :
إرشفينا قطرتين مْنَ المطر
ومْنَ الشعر
إييه ارتوينا !
من بعد عمْر الجفاف اللي كبر بشعورنا
و من بعد ماذبْلَت اغصان الفرح بصدورنا
أمطرت هذي السما
مثل المواعيد الجميله
يالله نِركض ف المدى المبلول
ونعدّ المطر !
العنود العبدالله
