المسافـه .. بينـي وبينـك عمـر
والجـروح اللي ملتني ماتطيب
كنت أشوفك غيـم يمـلاه الطهـر
كنت أحبـك زود يوم الحـب عيب
أنـت .. يا آخر بدايـة لـ الهجـر
أنـت .. يا أول نهايـة لـ المغيب
الحكـي منّي معك ، يُحسـب شعر
يرتجون الشعر بعدك ، كيف اجيب ؟
امتهنت الصمـت عن مـد الـدرر
خوفي كفــوفٍ رجت دُرّي تخيب
والشهـور اللي خذتنـي ، منتظـر
علمتني مـ اتبعك .. مُتعب .. كئيب
قلت اجمّـع كـل حلـمٍ منكسـر
قمت الملم داخلي كلمة حبيب
ما رضيتك طيـف يطلبنـي سهـر
دام عشتك صدر لـ احضاني قريب
والمسا .. من يطلب دمـوع البشر
ماعطيته من نـدى عينـي ، نصيب
وانت غايـب ، والمـدى مابه فجر
صرت احس ان الوطـن هذا غريب
ليت مالي قلـب ، يحتاج لـ صبـر
ليت مابي جـرح ، يحتآج لـطبيب
آه ، ليت الشعـر يجتـاح الصـدر
كان ماتقـدر عن عيـوني ، تغيـب
المسآفة بيني وبينـك عمـر
وكل خطـوة .. ماتوّرث غير شيب
نواف الدويش
