ياوي فنجال شربته لحالي
فنجال ماله ثانييٍ بالفناجيل
فنجال من غالي يمده لغالي
وتهديه قبل ايديه سودٍ مضاليل
مده علي وقال خذ يا حلالي
لا يا بعد من ينقل القال والقيل
واخذت فنجالي وريحت بالي
وثنيت رجلي عندهم للتعاليل
دار الحديث وكل شيء صفالي
وارهيت منهم بالوفاء والمحاصيل
قمنا على ما قال لاله ولا لي
إلا وعودٍ ، بالليال المقابيل
والله علم عن مقبلات الليالي
هن يلحقن وإلا بعد يظهرن حيل
عبدالهادي بن راجس
