ألا يا عضيدي وين راحوا هل الثنـا
بنشدك حيثك باخـصٍ في أمورهـا
تراني بجي للموت تسلـوم شرعـي
إن قلت لي قضت وفاتت عصورهـا
حياة المذلـة تـرث الهـم والعنـا
وأنا ما تبيـن لي دجاهـا ونورهـا
أرى الناس ناسي بالمجالس وبالرخا
ولاني بعارف خيرها من شرورهـا
على الوجه مرأةٍ ومقـراضٍ بالقفـا
خساير رداها ما تسـاوي سرورهـا
أنا في زماني شـاربٍ كاس ضيمـه
وأصاحيب وقتي خادعتني سبورهـا
يخونـون من لا خان غرّة صحيبـة
عسا الله يجمع كيـدها في نحورهـا
أرى الكذب فرضٍ والنميمات سنـه
وعلى الظلم شيبـانٍ تدنّس بزروهـا
وإن طـاح ليـثٍ نـادرٍ للجماعـة
قامت على راسه تهـاوى طيورهـا
الأيام جـارت وأبلشـت كل خيّـر
والله يعـدينـا مصيبـات جـورهـا
فهد بورسلي
- هو فهد راشد ناصر بورسلي شاعر الكويت الشعبي الكبير ولد سنة 1918م وتوفي يرحمه الله سنة 1960 بالكويت
