اخصـف علـْي مـن الـورق قـبـل لاعــرى
الـى متـى ابقـى لابــس الـنـور واعــراك
الله خلـقـنـا لـجــل نـخـطـي ونــبــرا
وندرك,وبـعـض اخطـائـنـا فـــوق الادراك
حـتـى ان هبطـنـا نهـبـط بعـلـم نـــذرا
خـطـا ويثـمـر بــه ذرا بـعـض مــاذراك
تـاقـف بـصـدري كلـمـةٍ واتـحـشـرا
كأنـمـا اتصـعـد حــرج بـيـن الأفـــلاك
غبـنـه وتـدفـن ,لـكـن بطـيـف تـطــرا
وتُبعـث ,واصـك الـبـاب ويـخـون شـبـاك
تعـبـت اداريـهـا ورى انـفــاس شـقــرا
طولـت اعالجـهـا سُـحـب شــك واربــاك
وبعديـن!؟!- اصحـى شيـخ بيديـه صـفـرا
وبينـي وبينـي اعيـش فـي داخــل عــراك
وارشــق عـلـى نفـسـي تـراتـيـل وازرا
واصيـح يا ا(نـا), ليـه انـا عكـس مبـداك؟
واسمـع صـداي بداخلـي: إزر وزرا
وصداي الآخر: رغبتي عكس مبداك
ان قيـل ظامـي مـات فــي جـنـب مـجـرا
شفـنـي بجنـبـك مــت احـلـم بـلامــاك
يـوم الـزمـن احـبـل مــن الـهـم عــذرا
وش احبـل ايــام الـزمـن غير جـفـواك
ويــوم الـعـزا إنّ مــعَ العـسـر يـســرا
احـضـن يمـيـنـك واتـحــرا لـيـسـراك
اخــر قصـيـد وآخــر حــروف تـقــرا
واخـر رمـق واخـر شـفـق واخــر لْـقـاك
الـنـور مطـفـي واكـثــر الأرض قـشــرا
والـدرب غـامـض واكـبـر الـهـم فـرقـاك
ليـل / ويـمـر _ وبـاكـر اصـيـر ذكــرى
يمـكـن مـجـرد سالـفـه فــي شـفـايـاك
يـاجـرح مــا ودي مــع الـوقـت يـبـرا
أهــواك وافــي ، بــس لا خنـت انا أهـواك
ومادمـت تجـرح, خافقـي بجـرحـك احــرى
الأقـربـون أولـــى بطـعـنـة خـطـايـاك
ادمـنـت جـرحـك وانــت بـدمـانـيّ ادرى
ودي تــزوِّد جـرعـة الـجــرح يـمـنـاك
أهـواك ليـلـي لاغــدى الـجـرح مـسـرى
لاصـرت صبحـي يشـرق الـجـرح لـرضـاك
لـك فـي خفوقـي الــف مـعـراج واســرا
وابـواب سبـع ومنتـهـى الشـعـر ذكــراك
يـا أنــت اجـمـل حــب أطـهـر وأجــرا
مــا خلـقـت أشـيـاءٍ تـراودنـي انـسـاك
برهنـت لـي: انــك قصـيـده وانــا اقــرا
اثـبـت لغـيـري: لـيـه لاخـنـت انا اهـــواك .!
مبارك السيد
