آسف اذا تعـّبْتك ابقسوة ال ليه؟
لولا غـلاتـك صـدّقـي ما ابـوحه
مايـشره الانـسان الاّ ع غالـيه
آعاتبك وأطلب خطاك السـمـوحة
يغيضني الفنجال لامن شربتيه!
كل ماجمع هالشّـفـتين ابـسفـوحه؟
ياما خذا من شـفـّتك مايـكفّيه
بشويش عاللّي زف يـمّك اشـبوحه
ويغريني السلسال لاداعب التّيه
كـن الذهب عالجيد ياكل ابروحه!
ياطفلة الما هالمسا من تـمرّيه
سناك يفـرض للّـيالي صِبوحة
جيتي وبان الشوق بعيون كاميه
وغنّت عـصافير الموده ابدوحه
شاعـر تلاعـبّه بحرْك ومآقـيه
تـحمّـلـيـبـه فـوضويّـة جنوحه
لولا الغلا ماجيت احث المشاريه
فـي دلـةٍ قامـت تـفـاوح ابّوحه
طاح الحطب اصلا قبل لاتشيليه
وذاب العتاب اللي تطاول صْروحه
ياحلمي اللي كل ماجيت اغـنّيه
قامت عيون الناس تقْصر اشبوحه
