لا والله الا شــدوا الـبـدو نـجــاع
كـل هـدم مبنـاه وارتـد زمـلـه
شـد الشديـد وقربـوا كـل مـطـواع
وراعي المودة فـرق البيـن شملـه
شـدوا ودنـوا الحنـي كـل مـطـواع
كل اشقح ما احسن قرينـه ورحلـه
غـد الـهـم دون الرفيـعـة تـمـزاع
كل بغى درب عـزل وانقسـم لـه
اقفـوا كمـا نـو نثـر مـاه وانـزاع
برقه يرفرف والسـدى يرتـدم لـه
وابكرتـاه اللـي غـدت بيـن الاقطـاع
وابعد دورتها على اللـي جهـم لـه
الهقـوة انـه يـم يخـنـه بـالاوقـاع
والامـع اللـي سنـدوا مستهمـلـه
لاهيـب لاحاشـي ولاهيـب مـرجـاع
عفرا فتـاة وراعيـة ماوسـم لـه
ياغصن مـوز ناعـم لـه تمـر بـاع
ومنين واهب الهـوى مـال حملـه
راعي هـدب عيـن مظاليـل ووسـاع
خرس عيونه والمحاجيـر جملـه
عليـه مـا وقفـت عيونـي بالادمـاع
وهجس ان يلحقني على الطول سمله
اعوي عـوى ذيـب ورا البـدو نجـاع
يقنب ايلين الله يجيـب اللحـم لـه
يامن لقلب مـن هـوى زيـد ينصـاع
كما يصوع الصيد رام خطـم لـه
حبه يخـج القلـب مـا يوجـع اوجـاع
لاشك قلبي مودعـه بيـت نملـه
