الإهداء : إلى وجهي في المرآة !
ياشاربٍ ماهو مثل كل شارب
لاقصّرت يمنى طويلين الاشناب
الناس يالولا اختلاف المـشارب
ماكان شفنا بينهم روس واذناب
عندي مناعه عن سموم العقارب
كم مات منها تحت رجلي وكم داب
واللاش مثله مثل فار التجارب
انْ طاب ولاّ ياعسى ابوه ماطاب
لاصرت لازم في اليسار المضارب
ماعندي اتفه حيـل من موتة ذباب
عمايم ٍ مثل العبي والجــوارب
لو كان زيّنها عـقالٍ ومرزاب
انا البحر ولاّ خصومـي قــوارب
يعني كذا : فصل وكـراسي وطـلاّب !!
فالح بن سويد
