مقامات

يا عذابي ،
كيف هالليل بغيابي ؟
مثل ليلٍ ، مرني دونك عقيم ،
حزن و شْعورٍ أليم ..
غربه و برد وعتيم ،
دمع وإحساس اليتيم ..
كيف هالليل بغيابي؟
يا عذابي ..

ياعذابي،
كيف هالليل بغيابي ؟
مثل ليلٍ ، كنت أنادي فيه وينك؟
ليه ضيعتي مع سنيني سنينك
وطالت الغيبه ولا جابك حنينك
كيف هالليل بغيابي ؟ يا عذابي ..

يا عذابي ،
كيف هالليل بغيابي؟
مثل ليلٍ ، كان ينزف به صوابي
كان برد ، وكان يتلبّس ثيابي ،
وكنت أشعر بـ اغترابي ، وكنت ما لاقي جوابي
كيف هالليل بغيابي  يا عذابي ؟..

يا عذابي
كيف هالليل بغيابي؟
وكل ذكرى معك تنده لي تعال :
يوم كنتي تنثريني واجمعك ..
واركض بفكريعلى متن الخيال :
لين تشربني كل ذكرى معك ..
كيف هالليل بغيابي؟
ياعذابي ..