مادام ياقلب مالك ف السوالف جمــل
خل الجمل في سبيلة لا تجي ناقته
بعض المشاوير للرجال خيبة أمـــل
والحر مايقرب اللي فوق من طاقته
ياما شربنا الوعود ولا مسكنا زحل
ألين طـاح السـروق وبانت سراقته
وشعاد لو نلبس من الخام ثوب سمل
الراس مرفوع والمبدأ علي ساقتـه
الليل ليله سرى والبدر نوره كمل
راحت علي شايل البندق وتفاقته
سلام ياللي عليك البيت وبله همل
لأجلك كتبت القصيد وسقت دراقته
يحرم علي ماتضيق ولا يجي لك ملل
دامي نديمك عن الهاجس وحماقته
ماصابني فيك شك ولا لحقني زعل
أتعب علي خوة النشمي وصداقته
ماقلتها بين ضيق وبين خطب جلل
استن معها الخيال وجدد اشراقته
وغنت بها بنيّ فكري بين تل وسهل
علي سحاب البروق وسيل دفاقته
من شان شارب حليمٍ للقوافي فتل
للخيل خيالها.. وللبن ذواقته
