كلهم راحوا .. عسى ماشر ولوحدك بقيت
تعتقد في صدر يوسع هالحزن وانته معاي ؟
آه ياجرح المسافة « ماعرفت انك نويت »
كان تفكيري .. يمر الصبح واتنفس دفاي
هذا قلبي .. ياعساه يموت يوم اني جفيت
وانت باحساسك تخلي نكهة الغليون شاي
في حضورك قلب أخضر يبني ل هالعمر بيت
والا يخرب بيت قلب~ مادرى عن ... أيش جاي
لاتلوم القلب/ والغفلة تحل .. ومادريت
لا قفل ألفين باب… يطيح بالحوش أصدقاي
ياكثرهم لادروا إني مع ال « ..... » سريت
ويافراغ يتركونه - لابقى صوتي وصداي
إلا انته .. ما انصدم فكرك وحلقت .. ورقيت
لين عانقت السحب والنور في قمة فضاي
في عيونك جرح .. من سواه ؟؟لا رغم انك وفيت
يلعن أم المغريات ان كان خليتك وراي
جيت أكبر من سوالف هالزمان .. ويوم جيت
طار سرب/ اتشكلت غيمة من اللهفة ب سماي
إحترامي ل إلتفاف الغيم لحظة مابكيت
وياعسى ماخاب قلب لفته « طوية رداي »
مستعد أتبع مسارات الأحبة بيت بيت
لأجل مايرقون أبواب الفكر والفكر راي
وكلهم راحوا .. عسى ماشر باحضاني ارتميت !
لين ماصاحت حناجر غربتي بصياح ناي
وكلهم راحوا .. عسى ماشر شفتك ماجفيت
علم أصحاب الغصون اليابسة ..تطلب رضاي
وكلهم راحوا .. عسى ماشر بس انته بقيت
كنت أعلمهم وفاي ..وجيت أعظم من وفاي .. !
