أرجوك كافي ما ابي اسمع اعذار
اللي انكتب لي لازم انه يجينـي
مابي تعاتبني على شيء ماصـار
ابيك تمسح دمعة وسـط عينـي
خليت قلبي في غيابك على نـار
ساعة لقا عيت تسـاوي حنينـي
حين التقينا كان نبض اللقا حـار
عوضتني عن مامضى من سنيني
مابيك تتركني بلا سابـق انـذار
ولاابيك وانتـه يالغـلا ماتبينـي
قلبي بعد مارحت متعب ومنهـار
ياليت تسمعني وتسمـع ونينـي
ماودي تجازف وتتعبك الافكـار
خلك بعيد وحرقة الشوق فينـي
انا على شانك تعلمـت الانكـار
امـوت لكـن .. ما أبيّـح كنيـنـي !